ARADHANA

బుడుగు అనే పేరు ఎలా వచ్చిందంటే....

ఇక్కడ ఒక ప్రముఖులైన గురువులు, గుంటూరు వాస్తవ్యుల ఫొటో కూడా లభ్యమైంది. దత్తోపాసకులైన ఈ గురువులు ఒకసారి షిర్డి వెళ్ళినప్పుడు తీసిన ఫొటో గా చెప్పారు. ఇందులో చిత్రం ఏమిటంటే ఫొటో తీస్తున్నపుడు లేని ఒక కాషాయ వస్త్ర ధారి (సాయి బాబాలా వున్నారు) ఫొటోలో వచ్చారు, ఈ గురువుల వెనుక. ఈ చిత్రానికి సంబంధించిన మరిన్ని విశేషాలు సేకరించవలసి వుంది.

ఏది ఏమైనా సాధన వల్ల, మంత్రదేవతోపాసన వల్ల సిద్ధులు కలుగుతాయని, యోగసాధన వల్ల ఆరోగ్యం, శాంతి కలుగుతాయని చెపుతున్నారు. మనం తినే తిండి కంటే పీల్చే గాలి ముఖ్యమైనది. పరిశుభ్రమైన గాలి ఆరోగ్యానికి మంచిది. కాని అది ఈనాడు కరువైపోతున్నది. భోపాల్లో యూనియన్ కార్బైడ్ దుస్సంఘటన ప్రపంచం మర్చిపోలేనిది. విష వాయువుల వల్ల లక్షమందికి పైగా దెబ్బ తినడం జరిగింది, ఎంతోమంది మరణించారు కూడా. కాని అంత భయంకర మైన సంఘటన మధ్యలో ఒక కుటుంబం మాత్రం క్షేమంగా మామూలుగా వుంది, ఈ విషయం ఆనాటి హిందు పేపర్లోనూ వచ్చింది. మరి ఈ కుటుంబం ఆ విషవాయువుల బారినుండి ఎలా బయటపడింది? ఆశ్చర్యకరమైన విషయం ఏమిటంటే ఈ సంఘటన జరిగినప్పుడు వాళ్ళు గాయత్రీ హోమం చేస్తున్నారుట!

చాలా ఏళ్ళ క్రితం కంచి పరమాచార్యులు శ్రీ శ్రీ శ్రీ చంద్రశేఖర స్వామీజి అంధ్రదేశాన్ని పర్యటిస్తూ చందోలు గ్రామానికి వెళ్ళారుట. ఇక్కడ ఆపండి అంటూ అక్కడో చిన్న ఇంట్లోకి అనుకోకుండా వెళ్ళేసరికి అక్కడున్న భక్తులంతా ఆశ్చర్యపోయారు. 'అమ్మ చెప్పింది ' అంటూ ఆ ఇంట్లోకి వెళ్ళారు, అది సాహితీ ప్రపంచలో వారికి, ఆ ప్రాంతంలో వారికి పరిచితమైన నిరాడంబర సాధకులు, కవి కీ.శే. ఛందోలు శాస్త్రి గారి ఇల్లు. బహుశా అప్పటికీ ప్రపంచానికి ఆయన ఏమిటో పూర్తిగా అర్ధంకాలేదుట. ఏదో పంతులుగారు అనుకుంటారు కదా! కొన్నేళ్ళకి ప్రముఖ వార్తా పత్రిక మధ్య పేజీలో పెద్ద రెండుపేజీల ఫొటో ఇంకా సంచలన వార్త ప్రచురితమైంది. విదేశాలలో విన్నా, అలాంటి వార్త తెలుగుదేశంలో మొదటిదేమో! ఆ వార్త ప్రకారం, ఛందోలు శాస్త్రిగారు దివంగతులైనప్పుడు వారికి మిత్రులైన కొందరు సాహితీవేత్తలు, ఊరి వారు స్మశానానికి వెళ్ళారుట. అక్కడ దహన సంస్కారాలు జరుగుతుండగా ఒక తెల్లని స్త్రీ మూర్తి ఆయన తలవద్ద కొద్ది నిమిషాలు అందరికీ దర్శనమిచ్చి అదృశ్యమయ్యిందిట. అందరు ఆశ్చర్యపోయారు, అంతలో అక్కడే వున్న ఫొటోగ్రాఫర్ కూడా వెంటనే ఫొటో తీసాడు. ఈ ఫొటోలో ఎడమచేతి వైపు తెల్లని పారదర్శకమైన స్త్రీమూర్తిని చూడొచ్చు.

అయితే ఈమె ఎవరు? అన్న చర్చ ఆంధ్రమంత్ర రంగాలలో చర్చనీయాంశంగా ఉండి పోయింది. ఇన్నాళ్ళు ఆయన ఉపాసించిన దేవి ఆయనలోనే వుందని, ఆమె ఆయన మరణించాక బయటకు వచ్చిందని కొందరు, ఆ దేవతామూర్తి దేవతాలోకాలనుండి ఆయనను తీసుకెళ్ళడానికి వచ్చిందని కొందరు అన్నారు. మంచి విషయం ఏమిటంటే ఇది జరిగిన తర్వాత, ఇది మాగొప్పతనం అంటూ ఆయన వైపునించి ఎవరూముందుకు రాలేదు, ప్రచారాలూ చేసుకోలేదు. ఇప్పటికీ ఈ చిత్రం ఒక చిత్రం.

ఒక తలారి కథ....

1940 లో ట్రావంకూరు మహారాజ సంస్థానంలో ఒక తలారి కథ. ఈ తలారి పదవి వంశపారంపర్యంగా వస్తుంటుంది. తలారి కుటుంబం ఎక్కడో మారుమూల గ్రామంలో ఉంటుంది. అక్కడైనా మిగతా గ్రామస్తులతో కలవకుండా ఊరికి దూరంగా ఉంటుంది. ఈ వేర్పాటుని ఇంకా నొక్కి చెప్పాలి అన్నట్టు తలారి కుటుంబం అంతా తమలో తాము మాట్లాడుకునేటప్పుడు తమిళం మాట్లాడుకుంటారు. ఉరి తీసిన తాడుని తలారికే బహుకరిస్తారు. ఆ తాడు అతని ఇంటిలో కాళికాదేవి పూజాస్థలం ముందు వేళాడుతుంటుంది. ఆ తాడుముక్కతో అమ్మవారికి దీపారాధన వెలిగించి ఆ బూడిద విభూతి పెడితే అన్ని రోగాలూ పోతాయని గ్రామస్తుల నమ్మకం.

ఇప్పటి తలారి కాళియప్పన్ వృద్ధుడైపోయాడు. పైగా అంతకు ముందు ఉరితీసిన ముద్దాయి నిర్దోషి అని నమ్మి, అతని ప్రాణం తీసిన పాపం వొడిగట్టుకున్నాను అనే పాపచింతనతో పగలూ రాత్రి అదే పనిగా తాగి కాలం గడుపుతున్నాడు. కొడుకు ముత్తు పై ఊళ్ళకి చదువుకి వెళ్ళి గాంధీ గారి సత్యాగ్రహ సూత్రాల్ని వంటబట్టించుకుని తిరిగి వచ్చాడు. రాట్నం వడుకుతుంటాడు. పెళ్ళై కాపురం చేసుకుంటున్న పెద్ద కూతురు తనకింకా ఏవో పుట్టింటి కట్నాలు దక్కలేదని దెప్పుతూంటుంది. చిన్న కూతురు అప్పుడే పెద్దమనిషైంది. ఈ విచిత్ర కుటుంబాన్ని కట్టి ఉంచే సూత్రధారిణిగా కాళియప్పన్ అర్ధాంగి మరగతం అందర్నీ కను రెప్పలా కనిపెట్టుకుని ఉంటుంది.

ఇంతలో రాజాస్థానపు ఉద్యోగి తలారిని వెదుక్కుంటూ వస్తాడు. హత్య చేసిన నేరానికి ఒక ముద్దాయికి ఉరిశిక్ష విధించారనీ, శిక్ష ఫలానీ రోజున అమలు జరుగుతుందనీ, ఆ దండన అమలు జరిపేందుకు తలారి అవసరమైన పూజాదికాలు నిర్వహించి సిద్ధంగా ఉండవలసిందని రాజాజ్ఞగా వినిపిస్తాడు. తాను వృద్ధుణ్ణైపోయాననీ, వేరెవర్నైనా ఈ పనికి చూసుకోవలసిందనీ కాళియప్పన్ ప్రార్ధిస్తాడు. తలారి పదవిలో రాజుగారి దయచేసిన వసతూన్నీ ఇన్నాళ్ళూ హాయిగా అనుభవించి ఇప్పుడు రాజధిక్కారం చేస్తావా అని గద్దిస్తాడు ఉద్యోగి. విధిలేక వల్లెయన్నాడు కాళియప్పన్. ఆ రోజు నించీ నిత్యం స్నాన జపతపాల్లో గడుపుతున్నాడు. ఆరోగ్యం క్షీణిస్తోంది. చివరికి బయల్దేరే రోజు రానే వచ్చింది. కొడుకుని సాయంగా తీసుకుని రాజధానికి వెళ్ళాడు. అక్కడ ఉరి తాడునీ, యంత్రాన్నీ పరీక్షిస్తాడు.

ఆ రాత్రి అతనికి శివరాత్రే. ముద్దాయి ఎలాగూ ఆ రాత్రి నిద్ర పోలేడు కాబట్టి తలారి కూడా జాగారం చేయ్యాలని అదొక ఆచారం. జైలర్లు అతనికి తోడు కూర్చుని, సారాయి తాగిస్తూ, నిద్ర పోకుండా ఒక కథ చెప్పటం మొదలు పెడతారు. ఒక పెల్లలో ఒక అమాయకపు పడుచు పిల్ల తన మేకని మేపుకుంటుంది. ఒక అనాథ యువకుడు పిల్లంగ్రోవి ఊదుకుంటూ అక్కడ పచ్చిక బయళ్ళలో తిరుగుతుంటాడు. ఇద్దరూ తారసపడతారు. త్వరలో అది పరస్పరం ఇష్టంగా ప్రేమగా పరిణమిస్తుంది. ఇంతలో ఆమె అక్క మొగుడు వీళ్ళని చూస్తాడు. ఆ యువకుడు అవతలికి వెళ్ళిన సమయంలో ఆ పిల్లని సోంత బావే బలాత్కరించి చంపేస్తాడు. ఆ ప్రదేశంలో అనాథ యువకుడి పిల్లంగ్రోవి విరిగిపోయి కనిపిస్తుంది. అతను దోషిగా నిరూపించబడతాడు. చనిపోయిన పిల్ల కుటుంబానికి అసలు ముద్దాయి ఎవరో తెలుసు, కానీ వారతన్ని బయట పెట్టరు. కథ ఇంతవరకూ విన్న కాళీయప్పన్ తాగిన మైకంలో "మరి ఆ అబ్బాయి ఏమయ్యాడు" అని అరుస్తాడు. కథ చెప్పిన జైలరు నవ్వుతూ "ఏమవుతాడు? వాణ్ణే నువ్వు రేపు ఉరి తియ్య బోయేది!" అంటాడు. ఇంకో నిర్దోషిని ఉరితియ్యడమనే ఊహ భరించలేక గుండె పోటు వచ్చి కాళీయప్పన్ మరణిస్తాడు.

కానీ రాజాజ్ఞ అమలు జరగాలి. సత్యాహింసలు తన దైవాలుగా నమ్మిన ముత్తు తండ్రి కాళీయప్పన్ కి వారసుడిగా తలారి పాత్ర ధరించి మొదటి ఉరి తీస్తాడు.
ఇదంతా ఇలా ఉండగా, జైలరు ఆ అమాయకపు పడుచు పిల్ల కథ చెబుతున్నప్పుడు తలారి దృష్టిలో అది తన చిన్నకూతురిలాగా, ఆ హీనమైన అకృత్యం చేసేవాడు తన అల్లుడిగా కనిపిస్తారు. ఇది (సినిమా కథలో) నిజంగా జరిగింది కాదు. కానీ ఆ ఊహ అతన్ని ముదలంటా కుదిపేసి మరణానికి దారి తీస్తుంది. ఒక విధంగా పసితనపు అమాయకత్వానికీ, కర్కశమైన న్యాయవిధానానికీ, మధ్యలో నిమిత్తమాత్రమైన అసహాయత్వానికీ ఒక త్రికోణపు సంబంధంలా అనిపిస్తుంది.

కవిత్వం రాయడానికి..

ఉదయిస్తున్న భానుడు
సింధూరపు మేఘాలు
సుదూరపు కొండలు
పిల్ల తెమ్మరలు
నది ప్రవాహం
రంగనాధుడి గాలి గోపురం
ఇంకెం కావాలి కవి కావడానికి
రమణీయమైన కవిత్వం రాయడానికి..

అలవై..

నిన్న
నీవు
నాతొ
నిద్దురలొ కలవై
మెలుకువలొ ధ్యానమై
ఎగసి పడుతూనే ఉన్నావు
నా ఆలొచనల అనంత సాగరం లొ
అలవై..

తీపిగుర్తులు..

గడచిన జీవితపు
మధుర క్షణాలని
కళ్ళ ముందు చూపే
జ్ఞాపకాల గడపల
పచ్చని తొరణాలు
తీపిగుర్తులు...

కొండలరావు రావి , Kondalarao Raavi
-------------------
పరిచయం : రవి కొండలరావు , నటుడు , రచియిత మరియు నిర్మాత , పెళ్ళిపుస్తకం , బృందావనం , వరకట్నంమున్నగునవి ఈయన ఆహస క్రుత్యాలలో ముఖ్యమైనవి .
బయోగ్రఫి :
పుట్టిన తేది : ౦/౦/1931.
పుట్టిన స్థలం : శ్రీకాకుళం , ఆంధ్రప్రదేశ్ , ఇండియా .
భార్య : రాధాబాయి .
నివాసము : హైదరాబాద్ , టి.వి.సీరియల్స్ లో పని.
అవార్డ్స్ & ముఖ్య విషయాలు :
కళాప్రపూర్ణ అనే బిరుదు వచ్చింది .
పెన్ నేం -- సుకుమార్ .
ముసికాల్ కంపెని -- సుకుమార్ ఆర్కెస్ట్రా .
ఎడిటర్ -- తెలుగు మేగాజిన్స్ - జ్యోతి ,వనితా , ఫిల్మ్ మగజైన్ " విజయ చిత్ర " చిత్రవల్లియం .
ఫిమోగ్రఫి : Actor, Writer, Producer
Actor:
1. మీ శ్రేయోభిలాషి (2007) .... Raghuram
2. నిన్నీ ఇష్ట పడ్డాను (2003)
3. శ్రీ కృష్ణార్జున విజయం (1996)
4. మాడం (1993)
5. బృందావనం (1992)
6. పెళ్లి పుస్తకం (1991) .... బాబాయ్- ... aka Book of Marriage
7. ఎదురింటి మొగుడు పక్కింటి పెళ్ళాం (1991)
8. చలాకి మొగుడు చాదస్తపు పెళ్ళాం (1989)
9. సాహసం చేయరా డింభకా (1988)
10. చంటబ్బాయి (1986) .... Chiranjeevi's Boss
11. మంత్రిగారి వియ్యంకుడు (1983) .... రావులపాలెం రామభద్రాయ- ... aka The Minister's In-Laws
12. ఊరికి ఇచిన మాట (1981)- ... aka Promise Made to Our Village (India: English title)
13. రాధా కళ్యాణం (1981)- ... aka The Marriage of రాధా- ... aka Wedding of Radha (India: English title)
14. సొమ్మొకడిది సోకొకడిది (1978)
15. అందాల రాముడు (1973)- ... aka The Handsome Rama
16. దసరా బుల్లోడు (1971) .... Pellilla Perayya
17. శ్రీమంతుడు (1971)
18. శ్రీ కృష్ణ విజయం (1970)
19. వరకట్నం (1968)
20. ప్రేమించి చూడు (1965)
21. శోభ (1958) .... డాక్టర్
బంగారు పంజరం (1965)
Writer:
1. భైరవ ద్వీపం (1994) (dialogue)- ... aka Veera Pratap (India: Tamil title: dubbed version)
2. బృందావనం (1992) (dialogue)
3. పెళ్లి పుస్తకం (1991) (story)- ... aka Book of Marriage

మనకున్న సీరియలోఫోబియా !! (అలా హశ్చర్యపడిపోయేస్తే కష్టం, మాయాబజార్ లో్ "ఎవరూ పుట్టించక పోతే మాటలెలా పుడతాయ్" అన్న ఘటోత్కచుడ్ని ఆదర్శం గా తీసుకుని నేనే కనిపెట్టా ఈ పదం). సరే ఏదో ఒకటి ఏడూ... అని అనేసారని నాకు వినపడిందిలే. సో మనకున్న సీరియలోఫోబియా తో మొదట్లో ఈ అమృతం సీరియల్ జోలికి వెళ్ళే వాడ్ని కాదు. కానీ కొంచెం పాపులర్ అయిన తర్వాత ఇంట్లో బలవంతం గా కూర్చో పెట్టేసి చూయించారు.

మొదట్లో నేను చూసిన ఎపిసోడ్స్ లో కామెడీ కధ కన్నా పాటలకి పేరడీ లు కట్టి వెటకారం చేయడం ఎక్కువ ఉండేది కొన్ని ఎంత బాగా నచ్చేవో కొన్ని అంత చిరాకూ తెప్పించేవి. తర్వాత కొన్ని రోజులకి అన్నీ నచ్చడం మొదలు పెట్టాయి మెల్లగా నేను కూడా Addict అయిపోయాను. మరీ పనులు మానుకుని కాక పోయినా ఆదివారం ఖాళీ వుంటే మాత్రం వదలకుండా చూసే వాడ్ని. మామూలు సాగతీత సీరియల్స్ లా లేకుండా ఇది ఏ వారానికి ఆ వారం చిన్న చిన్న పిట్టకధల లా ఉండటం తో బాగా నచ్చేసింది.

అన్నట్లు ఆదివారం అంటే గుర్తొచ్చింది ఇప్పుడు ఇంకా వేస్తున్నాడో లేదో కానీ అప్పట్లో ఈటీవీ లో ఆదివారం రాత్రి 9:30 కి జంధ్యాల గారి సినిమాలు వేసే వాడు. శ్రీవారికి ప్రేమలేఖ సినిమా అందులో చాలా సార్లు వేసేవాడు అది టెలికాస్ట్ అయిన ప్రతీ సారీ చూసే వాడ్ని. ఎన్ని సార్లు చూసినా బోర్ కొట్టని హాస్యం ఆ సినిమాకే సొంతం.

ఇక సిరివెన్నెల గారు రాసిన ఈ సీరియల్ టైటిల్ సాంగ్ ఎంత ఇష్టమంటే, Just Yellow banner ఈ పాటా, లిటిల్ సోల్జర్స్, ఐతే మూడూ కలిపి CD రిలీజ్ చేస్తే నాకు బెంగళూరు లో దొరకడం లేదు అని హైదరాబాద్ నుండి ఒక ఫ్రెండ్ వస్తుంటే తనతో తెప్పించుకున్నా :-) అంత ఇష్టం అనమాట.


సీరియల్ : అమృతం
సంగీతం : కల్యాణి మాలిక్
సాహిత్యం : సిరివెన్నెల
గానం : కల్యాణి మాలిక్

అయ్యోలూ హమ్మోలు..ఇంతేనా బ్రతుకు హు హు హు.....
ఆహాలూ ఓహొలు..ఉంటాయి వెతుకు హ హ హ.....

మన చేతుల్లోనే లేదా రీమోట్ కంట్రోలు....
ఇట్టే మార్చేద్దాము ఎడుపు గొట్టు ప్రోగ్రాం లు.....

వార్తల్లొ హెడ్ లైన్సా... మన కొచ్చే చిలిపి కష్టాలు......
అయొడిన్ తో అయిపోయే.. గాయాలే మనకు గండాలు....

ఎటో వెళ్ళి పోతూ..నిన్ను చూసింది అనుకో ఓ ట్రబులు..
hello..how do u do.. అని అంటోంది అంతే నీ లెవెలు.
ఆతిధ్యం ఇస్తానంటె మాత్రం వస్తుందా...
తీరిగ్గా నీతో కాలక్షేపం చేస్తుందా..
గాలైనా రాదయ్యా..నీదసలే ఇరుకు అద్దిల్లు....
కాలైనా పెడుతుందా నీ ఇంట్లో పెను తుఫానసలు...

ఒరేయ్ ఆంజినేలు .. తెగ ఆయస పడిపొకు చాలు....
మనం ఈదుతున్నాం..ఒక చెంచాడు భవ సాగరాలు..
కరెంటు రెంటు etc., మన కష్టాలు...
కర్రీ లొ కారం ఎక్కువ ఐతె కన్నీళ్ళు
నైటంతా దోమల్తొ.. ఫైటింగే మనకి గ్లోబల్ వార్..
భారీ గా ఫీల్ అయ్యే.. టెన్షన్ లేం పడకు గోలీ మార్.

చందమామ రావే, జాబిల్లి రావే.. ‘ అనో, ‘లాలి లాలి.. ‘ అనో, ‘జో అచ్యుతానంద.. ‘ అనో … తెనుగింట అమ్మ పాడకపోతే, హన్నన్నా! ఇంకేవైనా ఉందా? కొంపలంటించేయరూ కోతిరాయుళ్ళు.. అదే, పిల్ల పిడుగులు! మనం ఇప్పుడు చెప్పుకోబోయే ‘అన్నమయ్య’ గారు వాళ్ళ మీద జోలలూపడానికి సంధించిన అస్త్రాలే అవన్నీ. ఇలాటివి అన్నీ ఇన్నీ గాక.. ఏకంగా ముప్పైరెండు వేలు పైచిలుకు సంకీర్తనల్ని కూర్చారు.. రాయొద్దూ? ఈ కోతిరాయుళ్ళకే ఇంత బెట్టయితే, ఈ కోతులందరి ముఠానాయకుడైన కోతులరాయుడ్నే కాచే కొండలరాయుడి మెప్పు కోసం, తప్పదు మరి!

‘సరే బాబాయ్ , సినిమా చూసాం కదా, మళ్ళీ ఏంటి?’ అన్న ప్రశ్న ఒకదానికి నేను సమాధానం చెప్పుకోవాల్సి ఉంది కదా? ఏంటంటే, సినిమాలో అన్నీ చెప్పడం కుదరదుగా, జనాల నాడి బట్టి, రక్తి గట్టే సన్నివేశాలు చూపించారు. ఏదో నాకు తెలిసిన సినిమాలో లేని నాలుగు ముక్కలు చెబుదామని మొదలెట్టా.

కాని నేను చెబుదామనుకునే లోపే నాకంటే ఉత్సాహవంతులు కొంతమంది చాలా విషయాలు పొందుపరిచారు. ఇక్కడ (రమ్య గార్కి కృతజ్ఞతలు) అన్నమయ్య గారి నివాస స్థల విశేషాలు, వారికి ఇటీవల 600వ జయంతి సందర్భంగా కట్టించిని 108 అడుగుల విగ్రహాన్ని చూడవచ్చు. అన్నమయ్య వంశంలో ఆయనేకాదు, మొత్తం అందరూ కళాకారులే. వారి తాతగారి గురించి చిన్న కధ ప్రచారంలో ఉంది (మూలం). అదేంటంటే, అన్నమయ్య తాత నారాయణయ్యకి (మూలంలో నారయణసూరి అనుంది, అది తప్పు(దీనికి మూలం)) చదువబ్బేది కాదట.చెవులు నులిపెట్టినా, కోదండం వేయించినా, గుంజిళ్ళు తీయించినా ఓనమాలు కూడా అబ్బకపోతే, ఆ బాధతో, ఆ వూరి చింతలమ్మ గుడిలో ఉన్న పాము పుట్టలో చెయ్యిపెట్టి చావడానికి సిద్దపడ్డాడట, అప్పుడు ఆ చింతలమ్మే ఒక ముసలిదాని రూపంలో వచ్చి, మీ వూరి కేశవస్వామిని(గుడి చిత్రాన్ని ఇక్కడ చూడొచ్చు) నీకు చదువు ప్రసాదించమని అడుగు - ఇస్తాడు అని చెప్పి పంపించిదట. అప్పుడా నారాయణయ్య “సరస్వతికి మామగారివి నువ్వు, నాకింత విద్యా దానం చెయ్యి” అని వేడుకొన్నాట్ట. ఆ స్వామి అనుగ్రహంతో మాహా విద్వాంసుడయ్యాడు, ఆ స్వామి ఒక్క నారాయణయ్యని మాత్రమే కాకుండా, అతని సంతతినంతటినీ కరుణించినట్టున్నాడు. తాళ్ళపాక కుటుంబంలోని వారంతా - వాగ్గేయకారులూ, సాహితీవేత్తలూ, సంగీత కళాకారులూ, కవులూ, విద్వాంసులూ, పండితులూను. స్వయానా అన్నమయ్య భార్య తిమ్మక్కే “సుభద్రాకల్యాణ”మనే ద్విపద కావ్యాన్ని రచించింది కూడా.

ఆ.. ఇంకో ముక్కేంటంటే, మొన్న “కట్టుబాట్లు” పేరుతో ఒక టపా రాయడం జరిగింది. అందులో ‘దేవాలయం పై బూతుబొమ్మలు’ అనే విషయం మీద చర్చ జరిగింది. బహుశా, అన్నమయ్య రచనల వెనకున్న ‘భగవదారధనా భావం’, ఆ శిల్పాల వెనకున్న కారణం ఒక్కటేనని, నాకు అనిపిస్తుంది, అలాగే ఇది వరకే చాలా మందికి తోచింది (మూలం హైదరాబాద్ విశ్వవిద్యాలయం). ఈ మూలంలో ఏముందంటే, ” అన్నమయ్య విశిష్టాద్వైత సిద్ధాంతాన్ని అనుసరించినవాడు. ఆ సిద్ధాంతం ద్వైధీభూతమెలాగో ఆయన కవిత్వమూ ద్విధావిభజితం. భగవత్కీర్తనకై పరమ ఆధ్యాత్మిక సంకీర్తనలు ఎలా రచించాడో, వెంకటేశ్వరుడు ఆయన ఇరువురు భార్యలు - అలమేలు మంగ , పద్మావతుల శృంగారాన్ని రసరమ్యంగా కీర్తించాడు. భక్తుడైన వ్యక్తి ఆ శృంగార సంకీర్తనలను నాయక, నాయికలు అలౌకికులని భావిస్తే అవి భగవదారాధనలో భాగమవుతాయి. ఆ శృంగార సంకీర్తనలు భగవంతునికి సంబంధించినవని భక్తుడు నిరంతరం భావిస్తూ ఉండాలి. భక్తుడు/ శ్రోత/ పాఠకుడు ఆ పాత్రల్లో తాదాత్మ్యమవడానికి వీలు లేదు. అప్పుడవి పరమలౌకిక శృంగార గీతాలయ్యే ప్రమాదముంది. అన్నమాచార్యుడిని తన ఆస్థానానికి ఆహ్వానించి వేంకటేశ్వరుడి పై పాట పాడుమన్న సాళువ నరసింహరాయుడు ‘ఏమొకో చిగురుట ధరమున’ అనే రమ్యమైన గీతాన్ని విని, తనపైగూడా అటువంటి కీర్తనే పాడుమని అనడం, నరసింహరాయుడు ఆ పాత్రలో తాదాత్మ్యమవడం వల్లే జరిగింది. ‘నరహరి కీర్తన నానిన జిహ్వ ఒరుల నుతింపగ నోపదు జిహ్వ’ అని అన్నమయ్య సున్నితంగా తిరస్కరించాడు.” ఇహ నేను చెప్పేదేంటంటే, ఇంతకు మించి నేను గాని, ఇంకెవరైగాని చెప్పడం కష్టం. అదీ మీరు, “చదివినవన్నీ చేయనలవి కావు” అని మొండిగా, మూర్ఖంగా వ్యవహరిస్తే అంతకంటే అసాధ్యం లేదు.

మనలో చాలా మంది తెలిసో తెలియకో ముఖ్యమైన ఫైల్స్ డిలేట్ అయిపోతే అయ్యో పోయాయే ని బాధ పడుతుంటారు. అయితే ఇలా డిలేట్ అయిపోయిన ఫైల్సును సైతం వెనుకకు తెచ్చుకోవచ్చని మీకు తెలుసా?
కంప్యూటర్లోని ఫైల్స్ డిలేట్ అయిన విధానాన్ని బట్టి రికవరీ అనేది ఆధార పడి వుంటుంది.
1. మీరు కీబోర్డ్లోని డిలేట్ గాని, రైట్ క్లిక్ డిలేట్ ద్వారా గాని డిలేట్ చేస్తే వాటిని రికవరీ చేయాలంటే డెస్క్ టాప్ పై ఉన్న రీసైకిల్ బిన్ ఓపెన్ చేస్తే దానిలో డిలేట్ అయినవి కనిపిస్తాయి. అపుడు వాటిని సెలక్ట్ చేసి మౌసు రైట్ క్లిక్ చేస్తే వచ్చే మెనూలో రిస్టోర్ అనే ఆప్షన్ సెలక్ట్ చేస్తే రికవరీ అవుతాయి.
2. అలా కాకుండా పర్మినంట్ గా డిలేట్ అయిపోతే ఇక తర్డ్ పార్టీ సాఫ్ట్ వేర్ వాడాల్సిందే. అలాంటి వాటిలో బాగా పనిచేసేది గెట్ డాటా బ్యాక్
ఈ సాఫ్ట్ వేరును మీరు ఉపయోగించే ఫైల్ సిస్టము ఆధారంగా కొనుగోలు చేయవలసి వుంటుంది. అనగా ఫాట్ లేదా ఎన్.టి.ఎఫ్.ఎస్.ను బట్టి.
అయితే ఈ డాటా రికవరీ అనేది డిలేట్ చేసిన లొకేషన్ లో వేరే కొత్త డాటా రాయబడనంత వరకూ రికవరీ చేయవచ్చు. కాబట్టి డాటా రికవరీ అనేది డాటా లాస్ అయిన వెంటనే ప్రయత్నిస్తే మంచి ఫలితాలు వుంటాయి.
ఈ సాఫ్ట్ వేర్ ను ఈ క్రింది సైట్ నుండి డవున్లోడ్ చేసుకోవచ్చు.
http://www.runtime.org/downloads.htm

మన దేశం గురించి వెటకారంగా ఒక కథ చెబుతొంటారు కొందరు.ఒకసారి జపాన్ ఈ ప్రపంచంలో అన్నిటికంటే చిన్న సూదిని తయరుచేస్తే మనవాళ్ళు దాని మీద Made in India అని రాసుకొన్నారని,ఈ మాటలో వేటకారాన్ని పక్కన పెడితే అసలు అంత చిన్న సూది మీద అని రాసారంటే మనవాళ్ళు ఇంకా సన్నని సూదిని తయారుచేసి దానితో రాసారన్నమాటే కదా.

అలాగే C-Brain వైరస్ మన వాళ్ళు కనిపెత్తకొపొయిన దాన్ని తొలగించే Red alert ను మనవాళ్ళే కనిపెట్టారని చదివినట్టు గుర్తు.

ఇంతకీ ఇదంతా ఏందుకు చెబుతున్నానంటే,సోషల్ నెట్వర్కింగ్ లో ప్రభంజనమైన ఆర్కుట్ను వెబ్ పేజ్ లోకి వెళ్ళకుండానే మన డేస్క్ టాప్ నుండి వాడుకొనేందుకు మన భారతీయుడోకరు ఒక టూల్ తయారుచేశారు కాబట్టి ,కావాలంటే కింది బొమ్మలు చూడండి.


ఈ Software పేరు scrape mate.ఇది install చేసుకొంటే,మన Desktop నుండే Orkut కి Login కావచ్చు.
మన orkut Friends listలో ఉన్న photos అన్ని పైన చూపించినట్టు మన Desktop మీదే ప్రత్యక్షమవుతాయి.
అప్పుడు మనకు కావలసిన photo మీద click చేసి scrap రాసుకోవచ్చు.
"S" అక్షరం పక్కనున్న Arrow marks తో మన friends list లోవున్న contacts అన్ని Navigate చేసుకోవచ్చు.

ఈ tool తయారుచేసిందిశ్రీనివాస్ అన్నం .ఈ software ను అతని blog నుండే download చేసుకొవచ్చు.ఇది పనిచేయాలంటే AIR తప్పనిసరి.

ఇంటర్నెట్ ఎక్స్ ప్లోరర్ టైటిల్ బార్‌లో Microsoft Internet Explorer అనే పేరు ప్రక్కన మీ పేరు కూడా చూపించబడేలా WinXpలో ఏర్పాటు చేసుకోవడానికి ఒక మార్గముంది.దీనికిగాను,మొదట Start>Run కమాండ్ బాక్స్ లొ gpedit.msc అనే కమాండ్‌ని టైప్ చేసి O.K కొట్టండి. వెంటనే Group Policy Editor Options అనే పలు ఆప్షన్లతో కూడిన యుటిలిటీ ఓపెన్ అవుతుంది. అందులో User Configuration>Windows Settings అనే విభాగంలోకి వెళ్ళండి. దాని క్రింద Internet Explorer Maintainance అనే ఆప్షన్ వద్ద కుడిచేతి వైపు 'Browser Title' అనే ఆప్షన్ దర్శనమిస్తుంటుంది. దాన్ని మౌస్‌తొ డబుల్ క్లిక్ చెయ్యండి. దాంతో Browser Titleపేరిట ఒక విండో ప్రత్యక్షమవుతుంది. ఆ విండోలో Customize Title Bars అనే ఆప్షన్‌ని క్లిక్ చేసి... Title boxలో మీరు ఇవ్వాలనుకున్న పేరుని టైప్ చెయ్యండి. ఇకపై మీరు ఎప్పుడు ఇంటర్నెట్ ఎక్స్ ప్లోరర్ బ్రౌజర్ ని ఓపెన్ చేసినా Microsoft Internet Explorer అనే పేరు ప్రక్కనే మీ పేరూ టైటిల్ బార్‌పై చూపించబడుతుంటుంది.

Youtube, Google Video, Bglip.tv వంటి వీడియో షేరింగ్ వెబ్ సైట్లతో పాటు CNBC, ABC News, BBC వంటి ప్రముఖ వార్తా సంస్థలు కూడా ప్రముఖ వార్తలను వీడియో క్లిప్‍ల రూపంలో ఇంటర్నెట్‍లో పొందుపరుస్తున్నాయి. ఈ నేఫధ్యంలో ఆయా వెబ్ సైట్లు అన్నింటికి విడివిడిగా వెళ్ళి కావలసిన వీడియో క్లిప్‍ల రూపంలో ఇంటర్నెట్‍లో పొందుపరస్తున్నాయి. ఈ నేపధ్యంలో ఆయా వెబ్ సైట్లు అన్నింటికి విడివిడిగా వెళ్ళి కావలసిన వీడియో కోసం వెదికే కన్నా www.truveo.com అనే వెబ్ సైట్‍ని సందర్శించండి. ఇందులో Search బాక్స్ లో మీరు ఏ కీవర్డ్ టైప్ చేసినా అన్నివీడియో సైట్లలో వెదకబడుతుంది. ఈ వెబ్‍సైట్ ద్వారా మనం టైప్ చేసిన కీవర్డ్ కేవలం ఒక నిర్ధిష్టమైన విభాగంలోనే (స్పోర్ట్స్, ఎంటర్‍టైన్‍మెంట్) వెదకబడేలా ఏర్పాటు చేసుకోవచ్చు.అలాగే బాగా పాపులర్ అయిన వీడియోలను మాత్రమే, లేదా ఎక్కువ మంది చూసిన వీడియోలను మాత్రమే లేదా తాజాగా అప్‍లోడ్ చేయబడిన వీడియోలను మాత్రమే .. ఇలా భిన్న అంశాల ఆధారంగా వీడియోలను వెదికే అవకాశం కల్పించబడింది. ఇందులో టివి షోస్, మూవీక్లిప్స్, మ్యూజిక్ వీడియోస్ వంటి వేర్వేరు విభాగాల క్రింద వీడియోలు అమర్చబడి ఉన్నాయి.

వెబ్ డిజైనింగ్ రంగంలో ఉన్నవారికి, లేదా తమకు తాము స్వంతంగా వెబ్ సైట్లని రూపొందించుకోదలుచుకున్న వారికినెట్‍లో వివిధ ఆకర్షణీయమైన వెబ్ సైట్లని చూసినప్పుడు అవి ఏ వెబ్ టెక్నాలజీల ఆధారంగా రూపొందించబడ్డాయన్న ఆసక్తి కలగడం సహజం. మీకు తారసపడే ఏ వెబ్‍సైట్ అయినా ఏయే టెక్నాలజీల ఆధారంగా రూపొందించబడిందో తెలుసుకోవాలనుకుంటే builtwith అనే వెబ్ సైట్‍ని ఓపెన్ చేసి అక్కడి అడ్రస్ బార్‍లో మీరు ఏ సైట్ గురించి తెలుసుకోవాలనుకుంటున్నారో దాని అడ్రస్‍ని టైప్ చేసి Lookup అనే బటన్‍ని క్లిక్ చేస్తే కొద్ది క్షణాల్లో వివరాలు ప్రత్యక్షమవుతాయి.

మీ కంప్యూటర్లో ఎంత మెమరీ ఉన్నా, ఎంత శక్తివంతమైన కంప్యుటర్ అయినా ఒకేసారి పలు అప్లికేషన్ ప్రోగ్రాములను సుదీర్ఘ కాలం పాటు ఓపెన్ చేసి పెట్టడం వల్ల సమయం గడిచేకొద్దీ పనితీరు నెమ్మదిస్తుంది. అలాంటప్పుడు కంప్యుటర్ ని రీస్టార్ట్ చేస్తేనే తిరిగి ఊపండుకుంటుంది. ఇలా స్లో అయినప్పుడు రీస్టార్ట్ చేసే అవసరం లేకుండా ఒ చిట్కా పాటించవచ్చు. డెస్క్ టాప్ పై మౌస్ తో రైట్ క్లిక్ చేసి New>Shortcut అనే ఆప్షన్ ని ఎంచుకుని Type the location of the item బాక్స్ లో క్రింది కమాండ్ ఉన్నదున్నట్లు టైప్ చేయండి.
%windir%system.32\rundll32.exe advapi32.dll,ProcessIdleTasks ఇప్పుడు Next అని ప్రెస్ చేసి ఆ షార్ట్ కట్ కి Memory Cleaning లేదా మీకు నచ్చిన పేరు ఇవ్వండి. ఇకపై సిస్టం స్లో అయిందని భావించినప్పుడల్లా ఈ షార్ట్ కట్ ని ఉపయోగించండి. మెమరీలో మొండిగా కూర్చున్న టాస్క్ లు , త్రేడ్ లు క్లోజ్ చేయబడి మెమరీ ఫ్రీ చేయబడుతుంది.

TIFF,BMP వంటి హైక్వాలిటీ ఇమేజ్ ఫార్మేట్లకు చెందిన ఇమేజ్‌లను
ఫైల్ సీజ్‌ని తగ్గించుకోవడానికి JPEG ఫార్మేట్‌లోకి కన్వర్ట్ చేస్తుంటాం.
JPEG లోకి మార్చబడేటప్పుడు ఫైల్ సైజ్ తగ్గడానికి కొంత ఇమేజ్ క్వాలిటీ
కూడా తగ్గించబడుతుంది. అలా ఇమేజ్ క్వాలిటీ కోల్పోయిన JPEG
ఇమేజ్‌లను తీసుకుని తిరిగి వాటిని సాధ్యమైనంత పూర్తి క్వాలిటీలోకి రప్పించే
ప్రోగ్రామే.. "Unjpeg". ఈ ప్రోగ్రాం అన్ని ఆపరేటింగ్ సిస్టమ్‌లపై పనిచేస్తుంది.

ఇంటర్నెట్ షేరింగ్

మీ ఆఫీసులో లోకల్ ఏరియా నెట్ వర్క్ (LAN) వుందా? ఒకే కంప్యూటర్ లో ఇంటర్నెట్ కనెక్షన్ వుందా ? నెట్ వర్క్ లోని మిగతా కంప్యూటర్ల లో కూడా ఇంటర్నెట్ యాక్సెస్ కావాలా? అయితే ccproxy ని http://www.youngzsoft.net/ccproxy/client.htm నుండి డౌన్ లోడ్ చేయండి. ఇదే సైట్ లో లాన్ (LAN)సెట్టింగ్స్ గురించి కూడా వివరించారు. ఇది మేనేజబుల్ proxy చాలా చక్కగా పని చేస్తుంది.

లాన్ సెట్టింగ్స్ క్లుప్తంగా:

౧. ముందుగా ccproxy ని ఇంటర్నెట్ కనెక్షన్ వున్న కంప్యూటర్ లో ఇనస్టాల్ చెయ్యాలి.
౨. లాన్ నెట్ వర్క్ లోని ఏ కంప్యూటర్ లో అయితే ఇంటర్నెట్ యాక్సెస్ కావాలో ఆ కంప్యూటర్ లో ఇంటర్నెట్ ఎక్స్ ప్లోరర్ తెరచి మెయిన్ మెనూ లోని Tools -> Internet Options -> Connections -> Lan Settings లో ముందుగా Automatically detect settings దగ్గర టిక్ (Select) చెయ్యాలి. తరువాత Use a proxy server for your LAN ను టిక్ చేసి Address దగ్గర ఐపి అడ్రస్ (ఇంటర్నెట్ కనెక్షన్ వున్న కంప్యూటర్ IP Address)ఎంటర్ చెయ్యాలి, Port దగ్గర 808 ఎంటర్ చెయ్యాలి. ఇప్పుడు ’ఒకే’...’ఒకే’ ...చెయ్యాలి.

ఇంటర్నెట్ యాక్సెస్ చెయ్యటానికి లాన్ నెట్ వర్క్ లోని ఏ కంప్యూటర్ రెడీ...

విండోస్ రన్ కమాండ్లు

వివిధ అప్లికేషన్లు, అడ్మిన్ టూల్స్, కంట్రోల్ పానెల్, యుటిలిటీ లను డైరెక్ట్ గా Start --> Run నుండి ఓపెన్ చెయ్యటానికి ఈ క్రింద యివ్వబడిన విండోస్ రన్ కమాండ్లను ట్రై చేయండి

Applications:
calc - Starts Calculator
excel - Starts Microsoft Excel
explorer - Starts Windows Explorer
firefox - Starts Firefox if installed
iexplore - Internet Explorer
mobsync - Starts Microsoft Synchronization Tool
msimn - Outlook Express
mspaint - Starts Microsoft Paint
notepad - Starts Notepad
outlook - Starts Microsoft Outlook
powerpnt - Starts Microsoft Powerpoint
wab - Starts Windows address book
winchat - Starts Microsoft Chat
winword - Starts Microsoft word
wordpad - Starts Wordpad

Control Panel:
appwiz.cpl - Starts Add or Remove Programmes
control - Starts the Control Panel
control desktop - Opens Display Properties
control folders - Opens Folder Options
control fonts - Opens Fonts
control mouse - Opens Mouse Settings
control netconnections - Opens Network Connections
control schedtasks - Opens Schedules Tasks
control userpasswords - Opens User Accounts
firewall.cpl - Starts Windows Firewall
mmsys.cpl - Starts Sound and Audio Device Properties
netsetup.cpl - Starts Network Setup Wizard
powercfg.cpl - Starts Power Options Properties
sysdm.cpl - Opens Systems Properties
wuaucpl.cpl - Starts Windows Updates

Administration:
ciadv.msc - Opens Indexing Service
compmgmt.msc - Opens Computer Management
devmgmt.msc - Opens Device Manager
diskmgmt.msc - Opens Disk Management
eventvwr.msc - Opens Event Viewer
fsmgmt.msc - Opens Shared Folder Management
gpedit.msc - Starts Group Policy Editor
ntmsmgr.msc - Opens Removable Storage Management
perfmon.msc - Opens Performance Monitor
secpol.msc - Opens Security Policies
services.msc - Opens Service management

Utilities:
chkdsk - Runs Check Disk (Ex: chkdsk C:)
clipbrd - Opens Clipboard Viewer
cmd - Starts a Command Prompt Window
diskpart - Runs Microsoft Disk Partitioning Tool
drwtsn32 - Runs Dr.Watson Debugger
dxdiag - Runs DirectX Diagnostic Tool
eudcedit - Starts Private Character Editor
fsquirt - Runs Bluetooth Transfer Wizard
logoff - Logs Off User from Windows
msconfig - Starts System Configuration Utility
mstsc - Starts Remote Desktop Connection
osk - Starts On Screen Keyboard
packager - Opens Packager
regedit - Starts Registry Editor
shutdown - Runs Windows Shutdown Command
taskmgr - Runs Task Manager
tourstart - Starts Windows Tour

ఫైల్ / ఫోల్డర్ క్రియేట్ చేయండి పేరు లేకుండా... (create file/folder with no name)

విండోస్ లో ఫైల్ కాని ఫోల్డర్ కాని పేరు (File Name/Folder Name) లేకుండా క్రియేట్ చెయ్యవచ్చా??? ... సాధారణంగా అయితే చెయ్యలేము...కాని ఈ విధంగా చేస్తే పేరు లేకుండా ఫైల్ కాని ఫోల్డర్ కాని క్రియేట్ చెయ్యవచ్చు...
౧. ముందుగా పేరు లేకుండా చెయ్యవలసిన ఫైల్ / ఫోల్డర్ మీద మౌస్ రైట్ క్లిక్ చేసి...’Rename' సెలెక్ట్ చెయ్యాలి
౨. [Alt] కీ హోల్డ్ చేసి 255 నంబరు ఎంటర్ చేస్తే ఖాళీ స్పేస్ వస్తుంది. ఇప్పుడు [Enter] కీ ప్రెస్ చెయ్యాలి...
ఇప్పుడు ఫైల్ / ఫోల్డర్ అవుతుంది పేరు లేకుండా...

సిల్లీ పాయింట్‌

పేకముక్కల్లో కళావర్‌ రాజు, ఇస్పేట్‌ రాజు చేతుల్లో కత్తి కిందకి దించి ఉంటుంది. ఆఠీన్‌ రాజు చేతులు రెండూ కోటును పట్టుకున్నట్టుగా ఉంటాయి కానీ మెడ వెనగ్గా ఒక కత్తి కన్పిస్తుంటుంది. డైమండ్‌ రాజు చేతిలో గొడ్డలి ఉంటుంది.

* ఆనియన్‌(ఉల్లిపాయ) అనేది లాటిన్‌ పదం. ఆ పదానికి అర్థం... 'పెద్దముత్యం' అని.
* మానవశరీరంలో ఇతరభాగాలపై ఉన్న వెంట్రుకల కన్నా గడ్డం మీది వెంట్రుకలు వేగంగా పెరుగుతాయి.
* గుర్రాలూ, ఎలుకలూ వాంతి చేసుకోవు.
* మనిషి కాళ్లల్లో 2,50,000 చెమటగ్రంథులు ఉంటాయి.
* ఒక అధ్యయనం ప్రకారం సెలబ్రిటీలతో శృంగారమే అంతర్జాతీయంగా అత్యధికులు కనే కల.
* ఒక గంటసేపు టైపింగ్‌ చేస్తే 110 క్యాలరీలు ఖర్చవుతాయి.




కథల్లోనూ యానిమేషన్‌ చిత్రాల్లోనూ ఉండే కల్పిత పాత్రల మీద వోజుతో ఆయా క్యారెక్టర్ల దుస్తులను ధరించడాన్ని 'కాస్‌ప్లే' అంటారు. దీనికి ఆద్యులు జపనీయులు. కాస్‌ప్లే అంటే కాస్ట్యూమ్‌ప్లే అని అర్థం. ఫ్యాన్సీ డ్రెస్‌ కాంపిటీషన్లు కాస్‌ప్లే కిందకు రావు.
* శరీరంలో మరే ఇతర భాగంకన్నా నాలుకపైనే అత్యంత సున్నితమైన నరాలుంటాయి.
*అమెరికా తర్వాత సరికొత్త సాఫ్ట్‌వేర్లను అత్యధికంగా ఉత్పత్తి చేసే దేశం ఐర్లాండ్‌.
*పదిహేడో శతాబ్దం తొలినాళ్లలో థర్మామీటర్‌లో పాదరసానికి బదులు బ్రాందీని పోసేవారట.


హ్యారీపోటర్‌ సిరీస్‌ పుస్తకాలను ప్రపంచవ్యాప్తంగా అమ్మాయిల కన్నా అబ్బాయిలే ఎక్కువ మంది చదివినట్టు ఒక సర్వేలో తేలింది.
* స్విమ్‌సూట్లన్నీ బికినీలు కావు. రెండుముక్కలు(టూపీసెస్‌) ఉంటేనే దాన్ని బికినీ అనాలి. త్రీపీసెస్‌ ఉంటే అది 'ట్రికినీ'. పై నుంచి కిందదాకా ఒకటే ఉంటే అది 'వోనోకినీ'.
* ఆరోగ్యవంతుడైన వ్యక్తి రోజుకు సగటున ఆరుసార్లు మూత్రవిసర్జన చేస్తాడు.
* ప్రపంచవ్యాప్తంగా ఆత్మహత్య కేసులు మహిళల్లో కన్నా పురుషుల్లో మూడింతలు ఎక్కువ. కానీ... ఆత్మహత్యా ప్రయత్నాలు పురుషుల్లో కన్నా మహిళల్లో మూడురెట్లు అధికం.
* ఒక పూర్తి సీడీలో దాచి ఉంచిన సమాచారాన్ని దారం రూపంలోకి మార్చగలిగితే అది మూడున్నరమైళ్ల పొడవుంటుంది.
* వైట్‌ హౌస్‌లో 59 సీట్ల మినీ థియేటర్‌ ఉంది.


*మీసమున్న ఆఖరి అమెరికన్‌ అధ్యక్షుడు టాఫ్ట్‌.

ఇది ఓ ప్రత్యేకమైన మెమొరీ. ఎక్కువ మెమొరీ కలిగి ఉ౦డే పెద్ద పెద్ద ప్రోగ్రాములు నడిపెటప్పుడు ర్యామ్ సరిపోకపోతే ప్రోగ్రా౦ పని చేయకు౦డా ఆగి పోతు౦ది. అ౦దుకే కొన్ని సీపీయుల్లో వర్చ్యువల్ మెమొరీ సౌకర్య౦ ఉ౦టు౦ది. ఇది చేసే పని ఎమీట౦టే ఆ పెద్ద ప్రోగ్రాముల్ని చిన్న చిన్న ముక్కలుగా చేసి, హార్డ్ డిస్క్ లోని ప్రదేశాన్నే ర్యామ్ గా వినియోగి౦చుసునే వీలు కల్పిస్తు౦ది. ఇ౦దువల్ల తక్కువ ర్యామ్ తో పని పూర్తవుతు౦ది. అ౦టే ఉదా.కి ఓ ప్రోగ్రామ్ 24MB ర్యామ్ కావాలనుకు౦దా౦.వర్చ్యువల్ మెమొరీ సౌకర్య౦ ఉ౦టే 16MB ర్యామ్ తో ప్రోగ్రా౦ పనిచేస్తు౦ది. వర్చ్యువల్ అ౦టే మధ్య.‘లేకపోయినా ఉన్నట్లు భ్రమి౦పజేసేద’ని అర్ద౦. అ౦దుకే ఈ పేరు.

http://deathclock.com/

అ౦త ధైర౦ ఉ౦టేనే చుడ౦డి!!!!!

‘వోరేయ్ బ౦టిగా ని చేష్టలు చూస్తు౦టే పోయిన జన్మలో కోతివై పుట్టి ఉ౦టావు’ అని సరదాగా మన స్నేహితులు , పెద్దవాళ్ళు అనడ౦ మీరు గమని౦చే ఉ౦టారు. కొ౦త మ౦ది వాళ్ళ గత జన్మలో ఎక్కడ పుట్టామో, ఏమి చేసేవాళ్ళమో అని సమయ౦ దొరికినప్పుడు ఆలోచిస్తు౦టారు కూడా! అ౦దులో నేను కూడా ఒకడిని :) నాకే కాదు ఎవరికైనా తమ గత జన్మ గురి౦చి తెలుసుకోవాల౦టే ఆసక్తే కదా! మీకు కూడా తెలుసుకోవాలని ఆసక్తి ఉ౦టే లోకి వెళ్లి మీ పుట్టిన తేది,నెల,స౦వత్సర౦ ఇస్తే చాలు వె౦టనే మీ గత జన్మ వివరాలు వస్తాయి. మరి౦కె౦దుకు ఆలస్య౦.....

సినిమాల కథ

ఈ పదిహేను రోజులూ పొద్దున్నుంచి సాయంత్రం దాకా క్లాసులు తప్ప తక్కిన సమయమంతా ఖాళీనే అఫీషియల్ గా. సో, ఈ IISc క్యాంపస్ ని అన్వేషిస్తూ, ఫొటోలు తీస్తూ, చక్కని చిక్కని కాఫీ ని అప్పుడప్పుడూ సేవిస్తూ, కంప్యూటర్ లో ఇలా రకరకాల టపాలు రాస్తూ సమయం గడిపాను. అలాగే కొన్ని తెలుగు సినిమాలు చూశాను. కొత్తవి కావు. జనరంజక సినిమాల జాబితాలో ఉన్న సినిమాలు కొన్ని. మనం స్నేహితులతోనో,సన్నిహితులతోనో మాట్లాడేసమయం లో - “ఆ సినిమా లో ఆ పాత్ర లాగా..” అనుకుంటూ తరుచూ ఉదహరించే సినిమాల లో కొన్నింటిని గురించిన మ్యూజింగ్సే ఈ టపా. ఏమైనా నా ఉద్దేశ్యం ఈ సినిమాలను సమీక్షించడం కాదు. కొన్ని రోజుల తేడా లో చూసిన ఈ సినిమాల మీద ఆ క్షణం లో కలిగిన అభిప్రాయాలు. అంతే. బ్లాగన్నాక అప్పుడప్పుడూ ఇలాంటి టపాలు కూడా రాయాల. లేకుంటే బ్లాగుకి, ఇంకోదానికి తేడా ఏటుంటది?

మొదటగా ఏప్రిల్ ఒకటి విడుదల. రాజేంద్ర ప్రసాద్,శోభన హీరో హీరోయిన్లు. వంశీ దర్శకుడు. ఇళయరాజా సంగీతం. మంచి టైమ్ పాస్ సినిమా అనే చెప్పాలి. ఈ సినిమా కి ఆధారం “హరిశ్చంద్రుడు అబద్దమాడితే” అన్న నవల. ఇక కథాంశమా - అందరికీ తెలిసే ఉంటుంది. సరదా, సీరియస్ నెస్ .. రెండూ ఉన్నాయి ఈ సినిమాలో. ఎక్కడా బోరు అనిపించలేదు. సంగీతం కూడా బాగుంది. కథ లో వెరైటీ ఉంది. రాజేంద్రప్రసాద్ ఉన్నాడు కనుక సినిమా కి మినిమమ్ గ్యారంటీ అన్న అభిప్రాయం మళ్ళీ కలిగించింది. నేను ఈ సినిమా వచ్చినప్పుడు బాగా చిన్నదాన్ని. కాబట్టి అప్పుడు ఇది ఎలా ఆడిందో గుర్తు లేదు. కానీ, ఇప్పటికీ నచ్చుతూనే ఉంది కనుక ఇది కాలం లో కలిసిపోయే సినిమా కాదు. నిలిచే సినిమా నే అని అనిపించింది. రాజేంద్ర ప్రసాద్ లేకుంటే మాత్రం ఇలా చెప్పగలిగే దాన్ని కాదు. ఆ టైమింగ్ ఇంకోళ్ళకి రాదు. ఎల్.బీ.శ్రీరాం మాటలు సినిమాకి హైలైట్.

రెండోది - చెట్టు కింద ప్లీడరు. ఊరికి బయలుదేరే ముందు దొరికిన ఏడెనిమిది తెలుగు సినిమాలూ ల్యాప్టాప్ లోకి ఎక్కించేసా. అప్పుడు గమనించలేదు కానీ, చూట్టం మొదలెట్టాక గమనించాను - రాజేంద్ర ప్రసాద్ సినిమాలే ఎక్కువ ఉన్నాయని. ఇది కూడా మంచి టైమ్ పాస్ సినిమా. కథాంశం లో వెరైటీ ఉంది. మళ్ళీ ఇది వంశీ-ఇళయరాజా కాంబినేషన్. ఎటొచ్చీ నాదో అనుమానం. ఇదే ఇళయరాజా వంశీ కి చేస్తే ఒకలా ఉంటాయి పాటలు. వేరే ఎవరికి చేసినా ఇంకోలా అనిపిస్తాయి. అంటే రెండూ బాగుంటాయి కానీ, ఏదో తేడా పాటల్లో. వీళ్ళిద్దరి మధ్య అదో కెమిస్ట్ర్రీ ఏమో మరి. దీనిలో కూడా సంభాషణలు చాలా బాగుంటాయి. ముఖ్యంగా రాజేంద్ర ప్రసాద్ డైలాగులు. విని, వెనక్కి వెళ్ళి మళ్ళీ విని మరీ నవ్వుకున్నాను చాలా చోట్ల. రాసినది - తనికెళ్ళ భరణి. కిన్నెర ఇదొక్క చోటే అనుకుంటా కాస్త కామెడీ పాత్ర వేసినది. బాగుంది ఆమెకి ఆ పాత్ర. వీళ్ళిద్దరికి, మహంకాళి కేసు కీ మధ్య జరిగిన కథ భలే నవ్వు పుట్టించింది. ఆ మధ్య ఈ బ్లాగులో చదివిన టపా లోని “నీరుగారి పారిపోకు..” పాట మొదటిసారి ఇప్పుడు విన్నా. అప్పట్నుంచి విందాం అనుకుంటూ. బాగుంది. ముందే చెప్పినట్లు, పాటలు బాగున్నాయి. ఇందాక చెప్పినట్లు, ఇళయరాజా ది ఒక శైలి అయితే, వంశీ కి చేస్తే ఆ ఇళయరాజా ది మరో కొత్త స్టయిల్ అనిపిస్తుంది.

మూడోది - పడమటి సంధ్యా రాగం. ప్రవాసాంధ్రులు నిర్మించిన జంధ్యాల సినిమా. సంగీతం - ఎస్.పి.బాలసుబ్రమణ్యం. మాటలు రాసింది కూడా జంధ్యాలే అనుకుంటా - సినిమా మొదట్లో - “కథా రచన లో సహకరించిన ఆదివిష్ణు కి ధన్యవాదాలు” అని రాసారు కనుక ఇద్దరు కలిసి రాసి ఉంటారు. ఈ సినిమా బానే ఉంది చూట్టానికి. నేనెప్పుడు పూర్తిగా చూడలేదు. ఇదే మొదటి సారి. ఈ దెబ్బ కి ఇదేదో బ్రహ్మాండమైన సినిమా అన్న భ్రమ లు పోయాయి. కథ పరంగా నాకు చాలా చోట్ల - “ఏమిటీ కథ?” అనిపించింది. కానీ, డైలాగులు మాత్రం - అద్భుతం. పడీపడీ నవ్వుకున్నాను చాలా చోట్ల. అయిస్క్ర్రీం పార్లర్ అతని డైలాగులు, సంధ్య తండ్రి పాత్ర డైలాగులు - అన్నింటి కంటే నచ్చాయి. అతిధి నటుడు సుత్తివేలు వ్యాఖ్యానం కూడా. బాగా నవ్వుకున్న డైలాగు - సంధ్య తండ్రి “వ్యాపారం బాగా సాగుతోందా?” అని అడిగితే - బకాసురుడి వారసుడి లాంటి కొడుకును చూపుతూ అయిస్క్ర్రీమ్ షాపు ఓనర్ - “వాడు నా కొడుకు ఆదినారాయణ గారు. సైజు చూసారు కదా. అంచేత మేము అయిస్ క్రీములు అమ్మడం కంటే - స్వయంగా తయారు చేసుకుని మేమే మింగేస్తూ ఉంటామన్నమాట. అదీ మా వ్యాపారం.” అంటాడు. బ్యాక్ గ్రౌండైనా, ఫోర్ గ్రౌండైనా రెంటిలోనూ సంగీతం బాగుంది.

తరువాతిది - మురారి. ఈ సినిమా ని కామెడీ అనలేము. కానీ, సరదా గానే ఉంటుంది సగం దాకా. అయితే, నాకు ఇందులో పెద్దగా ఏమీ నచ్చలేదు మహేశ్ బాబు నటన. మరీ చిన్నపిల్లాడిలా ఉన్నాడు. గొంతు కూడా అంతే. లక్ష్మి నటన కొన్ని చోట్ల ఎంత సహజంగా అనిపించిందో కొన్ని చోట్ల అంత ఓవర్ యాక్షన్ లా అనిపించింది. సోనాలి బెంద్రే మాత్రం బాగుంది. ఆ పాత్ర ఆమెకి చక్కగా కుదిరింది. ఎస్.పి.శైలజ గొంతుక హీరోయిన్ కి బాగా సరిపోయింది. కథ నాకంత నచ్చకపోయినా కూడా, నటుల ప్రదర్శన కారణంగా ఇది ఒక ఎంటర్ టైనర్ అనే అనిపించింది. వీళ్ళ అందరి కాంబినేషన్ బాగా కుదిరింది. పాటలు బాగున్నాయి. ఇంతకీ సంగీతం ఎవరో తెలీదు.

నువ్వు నాకు నచ్చావ్: దీని గురించి ఎంతని చెప్పను? ఈ కొన్నాళ్ళలోనే రెండు మూడు సార్లు చూసాను. అందులో ఓ సారి మూకీ లో చూసాను. ఎప్పుడూ బోరు కొట్టలేదు. మంచి సినిమా. త్రివిక్రం సంభాషణలు - నవ్వాగదు ఆ డైలాగులకి. ఒకరు ఇద్దరని కాదు మొత్తం అందరూ సూపర్బ్ ప్రదర్శన. వెంకటేష్ మీద నాకేం ప్రత్యేకాభిమానం లేదు కానీ, భలే చేస్తాడు ఈ తరహా సినిమాలు. మొత్తం కామెడీ కామెడీ. ప్రకాష్ రాజ్ కవిత సీను, బ్రహ్మానందం కారులో వెంకటేష్ తదితరులతో సంభాషించే సీను నాకు అన్నింటికంటే నచ్చినవి. ఈ సినిమా ని ఓ యాభై ఏళ్ళైనా జనం చూస్తారేమో అని నాకు అనిపిస్తుంది. సునీల్ ఈ సినిమా లో “గోల” లేకుండా మామూలుగా మాట్లాడతాడు కనుక బాగుంది. మొత్తానికి ఇది ఈ తరపు క్లాసిక్ అని నా అభిప్రాయం. విజయభాస్కర్ దర్శకత్వం బాగుంది ఈ చిత్రానికి.

మల్లీశ్వరి: కొత్త సినిమా గురించి నేను చెప్పేది. పాత ది కాదు. ఇది కూడా మొత్తం కామెడీ. బోరు కొట్టదు. వెంకటేష్ కి, వాళ్ళ ఆఫీసు లో జనాలకి మధ్య సంభాషణలు, మల్లీశ్వరి వాళ్ళ ప్యాలెస్ లో బ్రహ్మానందం తో డైనింగ్ టేబుల్ వద్ద జరిగే సంభాషణా నాకు భలే నచ్చాయి. కత్రినా కైఫ్ ని మాత్రం చూడ్డం చాలా కష్టమైపోయింది. మనిషి పర్లేదు. కానీ, నవ్వుకీ, ఏడుపుకీ అదే మొహమైతే ఎలా? ఉత్తర భారద్దేశం వారు చాలా మంది వచ్చినా కూడా, కనీసం వారికి భాష తెలీకున్నా, ఎప్పుడు మొహం దిగులుగా పెట్టాలో, ఎప్పుడూ నవ్వాలో అన్నా తెలుసు. ఈవిడకి అదీ లేదు. మంచి కామెడీ ఈ సినిమా కూడా. దర్శకుడు? మాటలు?

అహనాపెళ్ళాంట: “అయితే నీకు నా ఆటోబయాగ్రఫీ చెప్పాల్సిందే..” - ఎన్ని సార్లు ఈ సీను గుర్తు తెచ్చుకుని నవ్వుకున్నానో. కోటా శ్రీనివాస రావు, బ్రహ్మానందాల మధ్య కామెడీ ని, నూతన్ ప్రసాద్ డైలాగులని, రాజేంద్రప్రసాద్ టైమింగ్ ని.. మొత్తంగా ఈ సినిమాలోని చాలా విషయాలు ఇష్టపడ్డాను. ఒక్క పాటలు తప్ప. అవి ఎందుకు రావాలో, వచ్చినా అలా ఎందుకు రావాలో అర్థం కాలేదు. ఏమైనా మంచి టైమ్ పాస్ సినిమా.

బృందావనం: మరో మంచి సినిమా. సింగీతం శ్రీనివాసరావు రాక్స్ :). మళ్ళీ రాజేంద్రప్రసాద్ భలే చేసాడు. అంజలీదేవి వి కొన్ని సీన్లు చాలా బాగుంటాయి. ఇక రావికొండలరావు, రాధాకుమారి ల జోడీ సరేసరి! వీళ్ళు నిజజీవితం లో వాళ్ళ ఇంట్లో కూడా ఇలాగే గొడవపడతారా అన్నంత సహజంగా ఉంటాయి తెరపై వీరి తగువులు. అన్నింటి కంటే ప్రత్యేకంగా చెప్పాల్సింది మాధవపెద్ది సురేష్ సంగీతం, బాలు, జానకి గానం. ఈ సినిమాలో పాటలు అదో తరహా హాయిని ఇస్తాయి.

నువ్వువస్తానంటే నేనువద్దంటానా: టైమ్ పాస్. కామెడీ కావాల్సినంత ఉంది. నాకు గుర్తుంది…ఈ సినిమా తరువాత సిద్ధార్థ్ కి ఫాన్ ఫాలోయింగ్ ఎలా పెరిగిందో! ఈ సినిమా లో ఫొటోగ్రఫీ చాలా బాగుంటుంది. పాటలు కూడా బాగుంటాయి. నాకు బాగా గుర్తు ఉండిపోయిన డైలాగు - తనికెళ్ళ భరణి గీత తో ఫోను లో అంటాడు - “లవ్ అనింది. నో అన్నాను. కెవ్వ్ అనింది. ఓకే అన్నాను.” అని.

తప్పక చూడవలసిన నాలుగు మంచి సినిమాలు


గత నెలా రెణ్ణెల్ల లో కొన్ని పనికిమాలినవి, కొన్ని మంచి నుంచి చాలా మంచి సినిమాలు చూడటం జరిగింది. ఆ సినిమాల్ని పరిచయం చేస్తూ ఓ నాలుగు వాక్యాలు చెబుతున్నా అంతే.

Bicycle Thieves: ఇటాలియన్ సినిమా. సత్యజిత్ రే కి సినిమాలు తీయాలి అన్న కోరికను కలిగించిన సినిమా ఇదేనని అప్పుడెప్పుడో వికీ లో చదివిననాటి నుండి దీన్ని చూడాలి అనిపిస్తూ ఉండింది. ఈ సినిమా చూస్తూ ఉంటే ఆ మధ్య “కథా? కథనమా?” అంటూ వార్త లో వచ్చిన వ్యాసం గుర్తు వచ్చింది. ఎందుకంటే ఈ సినిమాలో కథ అన్నదానికంటే కథనమే కథను నడిపించింది ఏమో అనిపిస్తుంది నాకు. కథ ఏమిటంటే - ఒకతనికి కొత్త ఉద్యోగం లో సైకిల్ ఉండటం తప్పనిసరి. అలాంటిది కష్టపడి కొనుక్కున్న సైకిల్ కాస్తా మొదటిరోజే దొంగలు దొంగిలిస్తారు. మిగిలిన సినిమా అంతా ఆ సైకిల్ కోసం అతను, అతని కొడుకూ చేసే ప్రయత్నాలు, వాళ్ళ అనుభవాలు… ఇవే. నేనిలా చెప్పానంటే .. ఏముంది ఈ కథలో? అనొచ్చు విన్నవారు ఎవరైనా. నిజమే… ఏముంది? కానీ, సినిమా చూస్తున్నంత సేపూ నేను ఇంకేమీ పట్టించుకోలేదు. వాస్తవికత ఉట్ట్టిపడుతూ ఉండటం దీని మరో ప్రత్యేకత. సినిమాలో నిరుపేద హీరో, నిజజీవితం లో కూడా ఫ్యాక్టరీ వర్కరే నట. ఈ సినిమా చాలా మంచి సినిమా

Strangers on a train: నాకు ఆ మధ్య చూసిన To catch a thief, Rear Window ల ప్రభావం తో హిచ్‍కాక్ సినిమా అంటే చాలు..చూసేద్దాం అనిపిస్తుంది అలాగే దీన్ని కూడా చూసాను.ఇదొక 1951 హాలీవుడ్ సినిమా. దీని కథ కూడా కాస్త రొటీన్ కి భిన్నం. ట్రెయిన్ లో కలిసిన ఇద్దరి మధ్య సంభాషణ తో మొదలౌతుంది కథ. బ్రూనో తన తోటి ప్రయాణికుడు, టెన్నిస్ ఆటగాడు అయిన గయ్ హేన్స్ తో ఓ ఒప్పందం కుదుర్చుకుందాం అంటాడు. అతనికి అడ్డుగా ఉన్న అతని తండ్రిని గయ్, గయ్ కీ, అతని ప్రియురాలికి అడ్డుగా ఉన్న గయ్ భార్యను బ్రూనో చంపాలి అన్నది ఆ ఒప్పందం సారాంశం. గయ్ ఈ మాటల్ని పెద్దగా పట్టించుకోడు… తరువాత అతని భార్య ని నిజంగానే బ్రూనో చంపేసి అతనికి చెప్పేదాకా. అక్కడి నుండి బ్రూనో గయ్ ని వెంటాడుతూ ఉంటాడు…. మా నాన్న ని ఎప్పుడు చంపుతావు అని. కథ ఇలా సాగి చివరికి గయ్ నిర్దోషిత్వం బయట పడ్డం తో ముగుస్తుంది. అయితే, సినిమా లో బాగా మనల్ని ఆకర్షించేవి రెండు. హిచ్‍కాక్ మార్కు స్క్రీన్‍ప్లే, బ్రూనో నటన. అతని నవ్వు లో నే ఎంత క్రూరత్వం చూపాడంటే, అతని బాడీ లాంగ్వేజ్ లోనే ఎంత విలనీ చూపాడంటే - అతని కోసం ఆ సినిమా మరోసారి చూడవచ్చు. క్లైమాక్స్ సీన్ ఒక్కటి కాస్త నిరాశ కలిగించవచ్చు కానీ, మిగితా అంతా చాలా బాగుంది ఈ సినిమా.

Vertigo: నాకు సంబంధించి ఇది గత రెండు, మూడేళ్ళుగా ఎదురుచూసిన సినిమా. ఓ సారెప్పుడో మా తమ్ముడు ఈ సినిమా చూసి నాకు కథ చెప్పేసాడు. అయినప్పటికీ కూడా నాకు ఈ సినిమా చూడాలి అన్న కోరిక తగ్గలేదు. ఇది మరో విలక్షణమైన కథ. హీరో కి పైన్నుంచి కిందకి చూస్తే కళ్ళు తిరిగే జబ్బు ఉంటుంది. అదే వర్టిగో. ఈ జబ్బు వల్లే సినిమా మొదట్లో హీరో తన పోలీసు ఉద్యోగానికి రాజీనామా ఇస్తాడు. హీరో ని అతని స్నేహితుడు తన భార్య పై నిఘా కు నియమిస్తాడు వర్తమానం లో. క్రమంగా మన హీరోగారికి ఆవిడపై ప్రేమ ఏర్పడుతుంది. ఆవిడ ఓ సంధర్బం లో ఓ భవనం పైన్నుంచి దూకేస్తుంది. తన వర్టిగో వల్ల హీరో ఆమెను కాపాడలేకపోతాడు. తరువాత కొన్ణాళ్ళకు ఆమె జ్ఞాపకాలు అతన్ని వెంటాడుతూ ఉంటాయి. ఆ సమయం లో ఆమె లాంటి మరో మనిషి తారసపడుతుంది హీరోకి. ఇక ఆమె వెంటపడ్డం మొదలుపెడతాడు. మిగిలిన కథ నా నోటితో నేను చెప్పేసి “ఎందుకు చెప్పేసావ్?” అని అనిపించుకోను. కావాలంటే ఇక్కడ చూడండి. లేకుంటే…ఉత్తమ మార్గం - ఆ సినిమా చూడండి.

The seven Samurai: అకిరా కురొసావా జాపనీస్ సినిమా. ప్రపంచం లోని కొన్ని ఉత్తమ చిత్రాల్లో ఒకటిగా దీనికి పేరు. యాభైలలో తీసిన బ్లాక్ అండ్ వైట్ సినిమా. నా అభిమాన నటుడు Toshiro Mifune కూడా ఉన్నాడు :) ఇది ఓ బీద పల్లె కథ. ఆ పల్లె వారు బందిపోట్ల బారి నుండి కాపాడుకోడనికి సమురాయ్ ల సాయం తీసుకోవాలని నిశ్చయించుకుంటారు. సమురాయ్ ల వేట, వాళ్ళకి తిండిపెట్తడం కోసం వీళ్ళ కష్టాలు, వీళ్ళు ఆ దోపిడీ దొంగల్ని ఎదుర్కున్న తీరు, మధ్యలో ఓ లవ్‌స్టోరీ… ఇదీ కథ. ఎటొచ్చీ, What stands out is the screenplay. కురొసావా సినిమాలు పరిచయమయ్యాక ఇప్పటి దాక నచ్చని సినిమా అంటూ ఏదీ తారసపళ్ళేదు ఆయనది. సో, Needless to say, even this was a watchable movie. మరో పాయింట్… తొషీరో మిఫునె నటన. ఇతనో అధ్భుతమైన నటుడు…. ఏ రోలైనా అలవోకగా నటించేస్తాడు…అదే…జీవించేస్తాడు. ఇతనిలా ఇంకోళ్ళు చేయలేరు అంటే బహుశా అతిసయోక్తి కాదేమో…

నిజానికైతే ప్రతి సినిమా గురించీ ఎంతైనా రాసుకుంటూ పోవచ్చు…. ఎటొచ్చీ ఇక్కడ నాకు ప్రస్తుతం 3 సమస్యలు..
1. సమయాభావం.
2. ఏదో మందుల్లేని రోగంతో దాదాపు చచ్చిపోయే పరిస్థితుల్లో ఉన్న నా Internet connection.

3. ఆల్రెడీ చనిపోయి, ప్రస్తుతం ఆత్మ రూపం లో నాకు సేవలందిస్తున్నా నా RAM.

అందువల్ల, ఈ సారికి ఇలా సరిపెట్టేసుకోండి.

త్యాగయ్య ఆనంద భైరవి - రుద్రవీణ బిలహరి
ఆ టైటిల్ చూసి నేనేదో రాసేస్తున్నా అని ఊహించకండి. నాకేం సంబంధం లేదు మీ అంచనాలతో. నేను పొద్దున్నే లేచి ఏమీ తోచక - “త్యాగరాజు భక్త సుధార్ణవము-నామజప రూపక కృతులు” అన్న మరువూరు కోదండరామిరెడ్డి గారి సంకలనాన్ని తెరిచాను. పుస్తకం మొదటి కొన్ని పేజీలూ త్యాగయ్య చరిత్ర ఉంటేనూ… కాసేపు చదివాను. అక్కడ చదివిన ఓ ఆసక్తి కరమైన సంఘటననూ, ఆ సంఘటన నాకు గుర్తు తెచ్చిన ఓ సినిమా సీనునూ ఇక్కడ పంచుకోడం ఈ టపా ఉద్దేశ్యం…అంతే…మరింకేం ఖాదు. టైటిల్ చూసి కొందరు విషయమేమిటో కూడ కనిపెట్టేసి ఉండొచ్చు.

ఇంతకీ… 203 రాగాలు పాడారట త్యాగయ్య…అందులో ఆనంద భైరవి మాత్రం లేదట. ఎందుకో? అంటే… ఇదీ కథ… త్రిభువనం స్వామినాథ అయ్యరు అని కుంభకోణం లో పెద్ద విద్వాంసుడు ఉండేవాడట. ఆనందభైరవి రాగం ఆలపించడం లో ఆయన్ని మించిన వాడు లేడు అని పేరు పొందాడట. ఓసారి అతని జట్టు తిరువయ్యూరు వచ్చిందట. త్యాగయ్య అతని ప్రఖ్యాతి విని అతని ప్రదర్శన కి వచ్చాడట. అప్పుడు అతను ఆనందభైరవిలో “మధురానగరిలో…” అన్న పాట పాడగా విని పరవశుడై అందరిముందూ స్వామినాథయ్యర్ భుజం తట్టి కౌగిలించుకున్నాడట. ఇది చూసి సంతోషించాల్సిన విషయమే అయినా, అప్పుడు అతను త్యాగయ్య ని - ఇకపై ఆనందభైరవి పాడవద్దనీ, తన పేరు నిలుపమనీ అర్థించాడట!!! ఈ కారణంగా త్యాగయ్య ఎప్పుడూ ఆనందభైరవి లో పాడలేదట!

ఇదంతా చదువుతూ ఉంటే నాకు రుద్రవీణ సినిమాలో ఓ సీను గుర్తొచ్చింది…. రమేష్ అరవింద్ కి, జెమినీ గణేశన్ కూతురికి పెళ్ళి జరుగుతున్నప్పుడు పాత కోపాన్ని దృష్టిలో పెట్టుకుని అరవింద్ “బిలహరి” గణపతి శాస్త్రి గా ప్రసిద్ధి చెందిన గణపతి శాస్త్రి పాత్ర వేసిన గణేశన్ ని - ఆ బిలహరి రాగాన్ని కట్నంగా ఇవ్వమని అడుగుతాడు. అంటే, ఇంకెప్పుడూ, ఎక్కడా ఆయన ఆ రాగం పాడరాదన్నమాట. తర్వాత చిరంజీవొచ్చి “నీతోనే ఆగేనా ..” అంటూ పాడి ఆయన గౌరవం నిలబెడతాడు అనుకోండి… అది వేరే విషయం.

పై రెండూ చూసాక ఒక సందేహం వచ్చింది. ఈ సినిమా సంఘటన ఆ నిజ జీవితపు సంఘటన నుండి స్పూర్తి పొందిందా అని… అంటే…అదేమీ పెద్ద విషయం కాదు కానీ…. త్యాగయ్యకి అలా జరిగింది అన్న విషయం మాత్రం కొత్తగా ఉంది నాకు వినడానికి.

తేనె మనసుల్లో నీ ఎదుట నేను వారెదుట నీవు పాట నాకు నచ్చిన పాటల్లో ఒకటి. కొన్ని చిన్నతనంలో విన్న పాటలైనా ఎందుకో మనసుకి హత్తుకుపోతాయి. ఈ పాట అలాంటిదే. ఈ పాట సంగీతం, సాహిత్యం రెండు మంచి ముత్యాలైతే సాహిత్యం వైపు ఇంకొంచెం ఎక్కువ మొగ్గుతాను. మొదటి లైన్‌లోనే చూస్తే "నీ ఎదుట నేను వారెదుట నీవు" - నీ ఎదుట నేను అని తన విషయంలో మొదటి స్థానం చందమామకి ఇచ్చినా కాబోయే భర్త విషయం వచ్చేసరికి వారెదుట నీవు అనే అంటుంది ఆ అమ్మాయి. వారి ఎదుట నీవు అంటుంది చందమామతో. వారెదుట వీరున్నా, వీరెదుట వారున్నా, రెండూ ఒకటే అయినా భర్తకి మొదటి స్థానం ఇచ్చి ఆ తర్వాతే ఇంకెవరైనా అన్న ఆలోచన సాహిత్యంలో అంత సున్నితంగా చెప్పటం చాలా నచ్చింది నాకు. అఫ్‌కోర్స్ ఎదురుగా ఉండటం అంటే ముందు ఉండటం కదా సో చంద్రుడికే మొదటి స్థానం ఇచ్చినట్టు కదా అనచ్చు. పర్సెప్షన్

ఎప్పటి నించో ఈ పాట కోసం వెతుకుతున్నాను. మరెందుకు ఆంధ్రావిలాస్‌లో కనిపించలేదో నాకు.

సిరివెన్నె(ఎ)లా?

ये जिंदगी నడవాలంటే हस्ते हस्ते
నదిలో దిగీ ఎదురీదాలి అంతే అంతే
హిరోషిమా ఆగిందా ఆటం బాంబేస్తే
चल चकदे चकदे అంటే పడినా లేచొస్తామంతే
హకూనా మటాటా అనుకో తమాషగా తలవూపీ
వెరైటీగా శబ్దం విందాం అర్ధం కొంచెం సైడ్ కి జరిపి
అదే మనం తెలుగు లో అంటే, dont worry bee haapee
మరోరకంగా మారుద్దాం కొత్తదనం కలిపి ...

ఆగండాగండి.. సీతారామ శాస్త్రి గారు.. ఏమిటండీ ఇది? "dont worry be happy" అనే వాక్యాన్ని తెలుగు అనుకోమంటారా (మళ్ళీ "మన" తెలుగు అని కూడా అన్నారు)? మీరు రాసింది త్రివిక్రమ్ తిరగారాశాడా లేక దేవిశ్రీ దిద్దుబాటు చేశాడా లేక మీకే అలా అనిపించిందా?? బాగుంది!! :).
.

హకూనా మటాటా అనుకో తమాషగా తలవూపీ
వెరైటీగా శబ్దం విందాం అర్ధం కొంచెం సైడ్ కి జరిపి
అదే మనం తెలుగు లో అంటే, dont worry bee haapee
మరోరకంగా మారుద్దాం కొత్తదనం కలిపి ...

deeniki ardam naaku telee ledu.. enta prayatnichinaa :-(

avunoo.. devisri, trivikram kaakundaa meeku pawan influence kanipinchadam ledaa?? ;-)


అదేదో సరదాపాట రాసేరు శాస్త్రిగారు. పాట బాగానే వుంటుంది లెండి.. జల్సా సినిమాలోది. వినండి - బాగున్నాయి పాటలు. "అదే మనం తెలుగులో అంటే" అన్నారు కదా అని నేను దానిని కొంచెం tweak చేసి, "అదే మనం మన తెలుగు లో అంటే" అని మార్చాను అన్నమాట అభిప్రాయసౌలభ్యం కోసం :). నా పాయింటు ఏమిటంటే, ఆయన ఇంగ్లీష్ వాక్యాన్ని పట్టుకొచ్చి తెలుగు అనేసుకోమని అంటున్నారు అని. నిన్న ఎక్కడో వింటూ వుంటే తగిలింది సరదాగా బ్లాగేను. కవి నిరంకుశుడు కదా - ఆయన ఇష్టం వచ్చినట్టు వ్రాస్తాడు. నాకు ఇష్టం లేకపోతె వినకూడదు కామోసు :).

పవన్ కళ్యాన్ రెండు చేతులూ, (అప్పుడప్పుడు రెండు కాళ్ళు కూడా) కధలోను, కధనం లోను, ఇరుక్కొని పోయి వుంటాయి కాబట్టి ఈ సాహిత్యం లో పెట్టి వుండకపోవచ్చు అని నేను అనుకుంటున్నా. కానీ, చెప్పలేము.. Too much of free time వుంటే ప్రమాదం కదా.
రామ-శాంతి లు భార్యా భర్తలు. (ఇంగ్లీష్ లో) ఆవిడ పేరులో మొదటి నాలుగు అక్షరాలు, ఈయన పేరులో మొదటి నాలుగు అక్షరాలు ఒకటే అని, ఆవిడ పేరు మీద బ్లాగ్ పెట్టుకొంటే ఈయన వచ్చి చేరిపోయాడు అన్నమాట. ఈ బ్లాగ్ లో తిట్టు కామెంట్ లు ఏమైనా వస్తే "నీ వల్లే" అంటే "నీ వల్లే" అని అనుకోవడానికి వీలుగా, బ్లాగ్ లో వ్రాసిన అన్ని విషయాలకి ఇద్దరూ సమానం గా బాధ్యత వహిస్తారు. మా అబ్బాయికి ప్రస్తుతం ఎనిమిది నెలలే కాబట్టి, వాడి మీదకి తోసేయ్యడానికి లేదు :).

స్నేహానికన్నా మిన్నా లోకాన లేదురా
కడదాక జీవితాన నిను వీడి పోదురా
నీ గుండెలో పూచేటిది..నీ శ్వాసగా నిలిచేటిది ఈ
స్నేహమొకటేనురా....

తులతూగే సంపదలున్నా స్నేహానికి సరికావన్నా
పలుకాడే బంధువులున్నా నేస్తానికి సరిరారన్నా
మాయ మర్మం తెలియని చెలిమే ఎన్నడు తరగని సంపద రా
ఆ స్నేహమే నీ ఆస్థి రా నీ గౌరవం నిలిపేనురా సందేహమే
లేదురా

స్నేహానికన్నా మిన్నా లోకాన లేదురా

త్యాగానికి అర్ధం స్నేహం లోభానికి లొంగదు నేస్తం
ప్రాణనికి ప్రాణం స్నేహం రక్తానికి రక్తం నేస్తం
నీది నాదను భేదము లేనిది నిర్మలమైనది స్నేహము రా
ధ్రువ తారగా స్థిరమైనది ఈ జగతిలొ విలువైనది ఈ
స్నేహమొకటేనురా...

స్నేహానికన్నా మిన్నా లోకాన లేదురా.

Powered by eSnips.com

చిత్రం : 20 వ శతాబ్దం

పల్లవి:

నా ప్రేమ నవ పారిజాతం పలికింది ప్రియ సుప్రభాతం
నా ప్రేమ నవ పారిజాతం పలికింది ప్రియ సుప్రభాతం
నీ ఎద వీణపై మన కధ మీటగా
నీ ఎద వీణపై మన కధ మీటగా
అనురాగాల రాగావిరానా నూరేళ్ళ బంధాన్ని కానా
నా ప్రేమ నవ పారిజాతం
పలికింది ప్రియ సుప్రభాతం

చరణం1:

వేదంలో స్వరంలా స్థిరంగా సాగాలి సుఖంగా శుభంగా
స్నేహంలో యుగాలే క్షణాలై నిలవాలి వరాలై నిజాలై
గతజన్మ బంధాలు నేడు జతగూడి రావాలి తోడు
గగనాల పందిళ్లలోనా సగభాగమవుతాను నీకు
ఇక సుముహూర్త మంత్రాలలోనా శృతి చేయి అనురాగ వీణ

నా ప్రేమ నవ పారిజాతం పలికింది ప్రియ సుప్రభాతం
నా ప్రేమ నవ పారిజాతం పలికింది ప్రియ సుప్రభాతం

చరణం2:

ఈనాడే ఫలించే తపస్సే ప్రేమించి వరించే వయస్సే
లోకాలే జయించే మనస్సే నీకొసం నిజంగా తపించే
సరసాల సమయాలలోనా మనసార పెనవేసుకోనా
అణువైన నా గుండెలోనా కడదాక నిను దాచుకోనా
ఇక సిరిమల్లి తలంబ్రాలలోనా పరువాలు పండించుకోనా

నా ప్రేమ నవ పారిజాతం పలికింది ప్రియ సుప్రభాతం
నీ ఎద వీణపై మన కధ మీటగా
నీ ఎద వీణపై మన కధ మీటగా
అనురాగాల రాగావిరానా నూరేళ్ళ బంధాన్ని కానా
నా ప్రేమ నవ పారిజాతం పలికింది ప్రియ సుప్రభాతం

మాతృదేవోభవ
తారాగణం :మాధవి,నాజర్,తనికెళ్ళ భరణిగాత్రం :కీరవాణి
సాహిత్యం :వేటూరి
సంగీతం :కీరవాణి
నిర్మాత :కె.ఎస్.రామారావు
దర్శకత్వం :కె.అజెయ్ కుమార్i
viడుదల :1993

పల్లవి:

రాలిపొయే పువ్వా నీకు రాగాలెందుకే , తొటమాలి నీ తోడు లేడులే
వాలిపొయే పొద్దా నీకు వర్ణాలెందుకే , లోకమెన్నడో చీకటాయెలే
నీకిది తెలవారని రేయమ్మా ,కలికి మాచిలక పాడకు నిన్నటి నీ రాగం
రాలిపొయే పువ్వా నీకు రాగాలెందుకే , తొటమాలినీ తోడు లేడులే
వాలిపొయే పొద్దా నీకు వర్ణాలెందుకే ,లోకమెన్నడో చీకటాయెలే

చరణం1:

చెదిరింది నీ గూడు గాలిగా చిలకగోరింకమ్మ గాధగా
చిన్నారి రూపాలు కన్నీటి దీపాలు కాగా ఆ ఆ ఆఅ
తనవాడు తారల్లో చేరగా మనసుమాంగల్యాలు జారగ
సిందూరవర్ణాలు తెల్లారి చల్లారి పోగా
తిరిగే భూమాతవు నీవై వేకువలో వెన్నెలవై
కరిగే కర్పూరం నీవై ఆశలకే హారతివై
రాలిపొయే పువ్వా నీకు రాగాలెందుకే ,తొటమాలి నీ తోడు లేడులే
వాలిపొయే పొద్దా నీకు వర్ణాలెందుకే

చరణం2:

అనుబంధమంటేనె అప్పులే కరిగే
బంధాలన్ని మబ్బులేహేమంతరాగాల చేమంతులే వాడిపోయే ఆ ఆ
తనరంగు మార్చింది రక్తమే తనతో రాలేనంది పాశమే
దీపాల పండక్కి దీపాలు కొండెక్కిపోయే
పగిలే ఆకాశం నీవై జారిపడే జాబిలివై
మిగిలే ఆలాపన నీవై తీగ తెగే వీణియవై
రాలిపొయే పువ్వా నీకు రాగాలెందుకే , తొటమాలి నీ తోడు లేడులే
వాలిపొయే పొద్దా నీకు వర్ణాలెందుకే , లోకమెన్నడో చీకటాయెలే ఏ ఏ


మాతృదేవోభవ
తారాగణం :మాధవి,నాజర్,తనికెళ్ళభరణి
గాత్రం :చిత్ర
సాహిత్యం :వేటూరి
సంగీతం :కీరవాణి
నిర్మాత :కె.ఎస్.రామారావు
దర్శకత్వం :కె.అజెయ్ కుమార
viడుదల :1993

పల్లవి:

వేణువై వచ్చాను భువనానికి గాలినై పోతాను గగనానికి
వేణువై వచ్చాను భువనానికి గాలినై పోతాను గగనానికి
మమతలన్ని మౌనగానం వాంఛలన్ని వాయులీనం
వేణువై వచ్చాను భువనానికి గాలినై పోతాను గగనానికి
మాతృ దేవొ భవ.. పితృ దేవొ భవ.. ఆచార్య దేవొ భవ

చరణం1:

ఏడుకొండలకైనా బండతానొక్కటే ఎడు జన్మల తీపి ఈ బంధమే
ఏడుకొండలకైనా బండతానొక్కటే ఎడు జన్మల తీపి ఈ బంధమే
నీ కంటిలొ నలక లో వెలుగు నేకనక నేను నేననుకుంటె ఎద చీకటె హరీ హరీ హరీ
రాయినై ఉన్నాను ఈ నాటికి రామ పాదము రాక ఏనాటికి
వేణువై వచ్చాను భువనానికి గాలినై పొతాను గగనానికి
వేణువై వచ్చాను భువనానికి గాలినై పొతాను గగనానికి

చరణం2:

నీరు కన్నీరాయె ఊపిరే బరువాయే నిప్పు నిప్పుగమారె నాగుండెలో ఆ ఆ ఆ
నీరు కన్నీరాయె ఊపిరే బరువాయే నిప్పు నిప్పుగమారె నాగుండెలో
ఆ నింగిలో కలిసి నా శూన్యబందాలు పుట్టిల్లు చేరే మట్టి ప్రాణాలు హరీ హరీ హరీ
రెప్పనై వున్నాను నీకంటికి పాపనై వస్తాను నీఇంటికి
వేణువై వచ్చాను భువనానికి గాలినై పోయాను గగనానికిగాలినై పోయాను గగనానికి.......

చిన్నారి స్నేహమా చిరునామా తీసుకో
గతమైన జీవితం కధగానే రాసుకో
మనసైతే మళ్ళి చదువుకో.....మరుజన్మకైనా కలుసుకో
ఏనాడు ఏమవుతున్నా ,ఏ గూడు నీదవుతున్నా హయిగానే పాడుకో
చిన్నారి స్నేహమా చిరునామా తీసుకో
గతమైన జీవితం కధగానే రాసుకో

జీవితం నీకోసం స్వాగతం పలికింది
ఆశాలే వెలిగించి హారతులు ఇస్తుంది
ఆకాశమంత ఆలయం నీకోసం కట్టుకుంది
కల్యాణ తొరణాలుగా నీ బ్రతుకే మార్చుతుంది
స్నేహం పెంచుకుంటుంది,ప్రేమే పంచుకుంటుంది కాలం కరిగి పోతుంటే కలగా చెదిరి పోతుంది
మాసిపోని గాయమల్లే గుండెలోనె వుంటుంది

చిన్నారి స్నేహమా......

ఆశయం కావాలి ఆశలే తీరాలి
మనిషిలో దేవుడిని మనస్సుతో గెలవాలి
అందాల జీవితానికో అనుబంధం చూసుకో
అనురాగమైన లోకమే నీ సొంతం చేసుకో
లోకం చీకటవుతున్నా ,బ్రతుకే భారమవుతున్నా మనసే జ్యోతి కావాలి మమతే వెలుగు చూపాలి
మరో ప్రపంచ మానవుడిగా ముందు దారి చూడాలి

చిన్నారి స్నేహమా చిరునామా తీసుకో
గతమైన జీవితం కధగానే రాసుకో
మనసైతే మళ్ళి చదువుకోమరుజన్మకైనా కలుసుకో
ఏనాడు ఏమవుతున్నా ,ఏ గూడు నీదవుతున్నా హయిగానే పాడుకో

Powered by eSnips.com

కమలాకర కామేశ్వర రావు గారు భారత సినిమా కల పుట్టి పెరిగింది పౌరాణిక గాధలతోనే . తెలుగు సిని రంగం ఇందుకు మినహాయిమ్పు .1931 లో భక్త ప్రహ్లాద వంటి పౌరాణికం తో ప్రరంబామి 40 వ దశకంలో సంఘికల నిర్మాణం పెరిగి క్రమంగా జానపదాల వ్య్పు మళ్ళింది .ఈ కాలంలో c.పుల్లయ్య ,బలరామయ్య ,p.పుల్లయ్య వంటి వారు పౌరాణికాలు తీయ గలమని నిరూపించిన సంఘికల విజ్రుమ్భానతో ఆ పరంపరను కోనసాగించ లేక పోయారు . పండిత ,పామరులను ,అన్ని రకల ప్రేక్షకలను రంజింప చేసి పౌరాణికాల రూప కల్పనలో తనద్య్న ఒక విలక్షణ ముద్రతో 60 ఏళ్లకు పైగా తెలుగు చలన చిత్ర జగత్తును చకత్చకితం చేసిన దిగ్దర్సకునిగా "పౌరాణిక చిత్రాల బ్రహ్మ " గా పిలవబడి ,ఒక వెలుగు వెలిగిన దర్శక మేధావి "కమలాకర కామేశ్వర రావు "1911 dec 29 న బున్దేర్లో జన్మించిన కమలాకర అక్కడి noble కళాశాలలో b.a చదివారు .ఆపి పత్రికలో సిని జర్నలిస్టు గ సిని జీవిధం ప్రారంభించారు .1936 లో వత్చిన h.m.రెడ్డి dravupathi vastra paharanam సినిమా సమీక్ష రాస్తూ ఆర్ధికంగా ద్రౌపది వస్త్రపహరనంవిజయం సాధించినా ,అపజయం పొందిన ద్రౌపది సమ్రక్షణ సినిమా కళాత్మకంగా గొప్పచిత్రం అని రాసారు .తలకి పులి h.m.reddy సినిమా గురించి అంతా ధైర్యమ్గా సమీక్ష రాసిన కమలకరను స్వయంగా పిలిపించి అభినందించి తన రోహిణి సంస్థలో ఉద్యోగం ఇవ్వటంతో ప్రత్యక్ష సిని జీవితంప్రరంభామ్యంది . ఆ తరువాత వాహిని సంస్థలో చేరి sumangali,vande matharam,devatha,bhakta pothana,yogi vemana,swarga seema,guna sundari katha chitralaku katha ,screen play.దర్శకత్వ శాఖల్లో పని చేసారు .