ARADHANA

రంగుల పండుగ వచ్చేసింది,ఈ పౌర్ణమికి ఆకాశాన వుండే తెల్లటి నిండు జాబిల్లికికి రంగులేయడానికి సిద్దంగా వున్నారా అయితే రండి అందరమూ కలిసి మామ ను వెంబడిద్దాం, ....

హొలీ అనేది రంగుల పండుగ. వసంతోత్సవం లేదా కామునిపండుగ అని కూడా పిలుస్తారు. నీళ్ళలో రంగులు కలిపి చల్లుకోవడం, రంగు పౌడర్ మొహాలకు రాసుకోవడం చేస్తారు.

ఇక పొతే ఈ రంగుల పండుగానే కాముని పండుగ అని కూడా అంటారు , ఈ కాముని పౌర్ణమికి మా వూరిలో అయితే కామిని అంతం ని ఓ గొప్ప వేడుకగా నిర్వహిస్తారు,హిరణ్య కసిపుకుని చెల్లెలైన కామిని ని ఓ బొమ్మగా తయారు చేసి నిప్పంటించగా ,వూరిలోని ప్రజలు తమ వంతుగా తమ తమ ఇండ్ల లోని పాత వస్తువులని తీసుకు వచ్చు ఆ హోమంలో వేసి హోమాన్ని తెల్లవారు జాము వరకు కొనసాగించటం విశేషం.

అంతకు ముందు రాత్రి యువకులు తమ రాత్రి భోజనాన్ని గ్రామములోని వేరే గృహాలనుంచి యాచించి (యాచన ఇలా వుంటుంది "కాం బువ్వ మ్మ కామ్బువ్వ") తద్వారా లభించిన ప్రతిని వురి మద్యలో ఓ చోట కుప్పగా పోసి అందరు సమానముగా ఆరగించడం కొన్ని గ్రామాలలో కనిపిస్తుంది ,ఒకవేళ ఇలాంటి సంప్రదాయాన్ని మీరు చూడాలనుకుంటే మా యింటి కి రాగలరు మీ కోసము మా వురి పొలిమేర మా ఇంటి తలుపులు ఎప్పుడు తెరిచే వుంటాయి..

ఇక పల్లెటూరి వసంతోత్సవము కాదు కాదు వసంతకము అంటారని మా జేజి చెపుతూ వుంటుంది , ఈ రోజు వరుసకు బావ బావమరుదులైన వారి పైన తమ అభిమానాన్ని రంగుల రూపంలో చూపించడం పరిపాటే , మా కాలేజి రోజుల్లో మేము ఎలా ఎంజాయ్ చేసామంటే ఆ రోజులు మల్లి తిరిగి రావనిపిస్తోంది ,కొసమెరుపేంటంటే కాలేజ్ లో మేమంతా బావ బావ అని పిలుచుకునే వాళ్ళం కాబట్టి మా కు రంగు పడాల్సిందే .